Lamtumirë Floppy Disk!

IBM-ja, në krye me Alen Shugart, që në vitin 1971 e kishte konstruktuar Floppy Diskun e parë, "mikun" më të vjetër të kompjuterave personalë.

Kapaciteti i kufizuar prej 1,44 MB është fajtori kryesor që njëri ndër bartësit e parë të dosjeve nga një vend në tjetrin, dhe që miliona njerëzve u ka mundësuar të ruajnë të dhënat e tyre, tani të kalojë në histori. Kompania angleze, e cila mirret me shitjen e hardverit kompjuerik "PC world", ka njoftuar se nuk do të shesin më në marketin e tyre Floppy disqe. "Floppy Disk është vjetruar dhe, thjesht nuk është në gjendje të garojë me aparatet e reja," tha Brajan Magrat, drejtori komercial i "PC World". Kërkesa e floppy disqeve kohët e fundit ka rënë shumë. Sot, një numër shumë i vogël i kompjuterave shiten me floppy drive.